ခ်ဲလ္ဆီးအသင္းပြဲၾကည့္စင္ေပၚမွာ ရွားရွားပါးပါးျပန္လည္ျမင္ေတြ႕ရတဲ့ ပိုင္ရွင္မိုဗစ္ခ်္

0
383
Photo Credit: Daily Mail

ခ်ဲလ္ဆီးက ဆဲလ္ဘတ္ကို ၅-၃ နဲ႔အႏုိင္ရခဲ့တာဟာ ေနာက္ဆံုးေျခစမ္းပြဲ ၃ ပြဲဆက္တုိက္အႏုိင္ရမႈျဖစ္ခဲ့လုိ႔ အသင္းပရိသတ္ေတြအတြက္ ေပ်ာ္ရႊင္စရာျဖစ္ခဲ့သလုိ ပိုင္ရွင္ေအဘရာမိုဗစ္ခ်္ကို ပြဲၾကည့္စင္ေပၚမွာ ထူးထူးျခားျခား ျပန္လည္ျမင္ေတြ႕ခြင့္ရခဲ့တာကလည္း ေက်နပ္စရာပဲလုိ႔ ၿဗိတိန္မီဒီယာေတြက ေဖာ္ျပေနၾကပါတယ္။

Photo Credit: Daily Mail

ခ်ဲလ္ဆီးအသင္းပိုင္ရွင္ေအဘရာမိုဗစ္ခ်္ဟာ ၿဗိတိန္နဲ႔ ရုရွားအစိုးရၾကားက ႏုိင္ငံေရးတင္းမာမႈေၾကာင့္ UK ျပည္၀င္ခြင့္ဗီဇာပိတ္ပင္ခံရသူေတြထဲမွာ အပါအ၀င္ျဖစ္ခဲ့တာပါ။ ဒါေၾကာင့္လည္း စတမ္းဖုိ႔ဒ္ဘရစ္ခ်္ရဲ႕ပြဲၾကည့္စင္ထက္မွာ အၿမဲလိုလိုျမင္ေတြ႕ခြင့္ရခဲ့တဲ့ ေအဘရာမိုဗစ္ခ်္ရဲ႕ပံုရိပ္ေတြေပ်ာက္ဆံုးခဲ့ၿပီး ကလပ္အေပၚစိတ္ကုန္ေနၿပီလုိ႔လည္း သတင္းထြက္ခဲ့ပါတယ္။ ဒါေပမဲ့ မုိဗစ္ခ်္ဟာ ဆဲလ္ဘတ္ကိုအႏုိင္ရခဲ့တဲ့ပြဲစဥ္ကိုေတာ့ ၾသစႀတီးယားေျမမွာ မိသားစုလုိက္ လာေရာက္အားေပးခဲ့ၿပီး ၿပံဳးရႊင္ရယ္ေမာေနတာကိုလည္းျမင္ေတြ႕ခဲ့ရပါတယ္။

Photo Credit: Daily Mail

မိုဗစ္ခ်္ဟာ ခ်ဲလ္ဆီးအသင္းဗိုလ္စြဲခဲ့တဲ့ ၿပီးခဲ့တဲ့ရာသီက ယူရိုပါလိဂ္ဗိုလ္လုပြဲကိုလည္း အဇာဘုိင္ဂ်န္ႏုိင္ငံ၊ ဘာကူၿမိဳ႕မွာ လာေရာက္အားေပးခဲ့ေသးတာပါ။ ဆဲလ္ဘတ္နဲ႔ပြဲကေတာ့ ၿပီးခဲ့တဲ့ ၁ ႏွစ္ေက်ာ္အတြင္း ခ်ဲလ္ဆီးအသင္းကို မုိဗစ္ခ်္ကိုယ္တုိင္လာေရာက္အားေပးတဲ့ ဒုတိယေျမာက္ပြဲစဥ္ျဖစ္ခဲ့ပါတယ္။ အဲဒီပြဲစဥ္မွာ ခ်ဲလ္ဆီီးအတြက္ ပူလီဆစ္က ၂ ဂိုး၊ ပတ္ဒရိုက လွပတဲ့ေနာက္ျပန္ကန္ခ်က္နဲဲ႔ ၁ ဂိုးသြင္းယူမႈအပါအ၀င္ ၅-၃ နဲ႔အႏုိင္ရခဲ့သလုိ အသင္းအေပၚ မုိဗစ္ခ်္ရဲ႕အာရံုစုိက္မႈကိုလည္း ျပန္လည္ျမင္ေတြ႕ခြင့္ရခဲ့တာေၾကာင့္ ခ်ဲလ္ဆီးပရိသတ္ေတြက ေက်နပ္ေနၾကပါတယ္။

(Unicode)

ချဲလ်ဆီးအသင်းပွဲကြည့်စင်ပေါ်မှာ ရှားရှားပါးပါးပြန်လည်မြင်တွေ့ရတဲ့ ပိုင်ရှင်မိုဗစ်ချ်

ချဲလ်ဆီးက ဆဲလ်ဘတ်ကို ၅-၃ နဲ့အနိုင်ရခဲ့တာဟာ နောက်ဆုံးခြေစမ်းပွဲ ၃ ပွဲဆက်တိုက်အနိုင်ရမှုဖြစ်ခဲ့လို့ အသင်းပရိသတ်တွေအတွက် ပျော်ရွှင်စရာဖြစ်ခဲ့သလို ပိုင်ရှင်အေဘရာမိုဗစ်ချ်ကို ပွဲကြည့်စင်ပေါ်မှာ ထူးထူးခြားခြား ပြန်လည်မြင်တွေ့ခွင့်ရခဲ့တာကလည်း ကျေနပ်စရာပဲလို့ ဗြိတိန်မီဒီယာတွေက ဖော်ပြနေကြပါတယ်။

ချဲလ်ဆီးအသင်းပိုင်ရှင်အေဘရာမိုဗစ်ချ်ဟာ ဗြိတိန်နဲ့ ရုရှားအစိုးရကြားက နိုင်ငံရေးတင်းမာမှုကြောင့် UK ပြည်ဝင်ခွင့်ဗီဇာပိတ်ပင်ခံရသူတွေထဲမှာ အပါအဝင်ဖြစ်ခဲ့တာပါ။ ဒါကြောင့်လည်း စတမ်းဖို့ဒ်ဘရစ်ချ်ရဲ့ပွဲကြည့်စင်ထက်မှာ အမြဲလိုလိုမြင်တွေ့ခွင့်ရခဲ့တဲ့ အေဘရာမိုဗစ်ချ်ရဲ့ပုံရိပ်တွေပျောက်ဆုံးခဲ့ပြီး ကလပ်အပေါ်စိတ်ကုန်နေပြီလို့လည်း သတင်းထွက်ခဲ့ပါတယ်။ ဒါပေမဲ့ မိုဗစ်ချ်ဟာ ဆဲလ်ဘတ်ကိုအနိုင်ရခဲ့တဲ့ပွဲစဉ်ကိုတော့ သြစတြီးယားမြေမှာ မိသားစုလိုက် လာရောက်အားပေးခဲ့ပြီး ပြုံးရွှင်ရယ်မောနေတာကိုလည်းမြင်တွေ့ခဲ့ရပါတယ်။

မိုဗစ်ချ်ဟာ ချဲလ်ဆီးအသင်းဗိုလ်စွဲခဲ့တဲ့ ပြီးခဲ့တဲ့ရာသီက ယူရိုပါလိဂ်ဗိုလ်လုပွဲကိုလည်း အဇာဘိုင်ဂျန်နိုင်ငံ၊ ဘာကူမြို့မှာ လာရောက်အားပေးခဲ့သေးတာပါ။ ဆဲလ်ဘတ်နဲ့ပွဲကတော့ ပြီးခဲ့တဲ့ ၁ နှစ်ကျော်အတွင်း ချဲလ်ဆီးအသင်းကို မိုဗစ်ချ်ကိုယ်တိုင်လာရောက်အားပေးတဲ့ ဒုတိယမြောက်ပွဲစဉ်ဖြစ်ခဲ့ပါတယ်။ အဲဒီပွဲစဉ်မှာ ချဲလ်ဆီးအတွက် ပူလီဆစ်က ၂ ဂိုး၊ ပတ်ဒရိုက လှပတဲ့နောက်ပြန်ကန်ချက်နဲ့ ၁ ဂိုးသွင်းယူမှုအပါအဝင် ၅-၃ နဲ့အနိုင်ရခဲ့သလို အသင်းအပေါ် မိုဗစ်ချ်ရဲ့အာရုံစိုက်မှုကိုလည်း ပြန်လည်မြင်တွေ့ခွင့်ရခဲ့တာကြောင့် ချဲလ်ဆီးပရိသတ်တွေက ကျေနပ်နေကြပါတယ်။