ဖွင့်လှစ်မှုနဲ့ခြေစွမ်းအရ အနီးစပ်ဆုံးဖြစ်နိုင်မယ့် တနင်္ဂနွေညဘွန်ဒက်စ်လီဂါ(Super Zay)

ဟာသာဘာလင် vs ကိုလုံး

ဟာသာဘာလင်ဟာ ယာယီနည်းပြလက်ထက်မှာ ရလဒ်ပိုင်းတိုးတက်လာပြီး

ဆောင်းမခိုခင် နောက်ဆုံးပွဲမှာ ဒေါ့မန်ကို အိမ်ကွင်းမှာ အနိုင်ရခဲ့တာပါ။

အဲဒီဘာလင်အခြေစိုက်အသင်းအနေနဲ့ နောက်ဆုံးဘွန်ဒက်စ်လီဂါ

အိမ်ကွင်း ၅ ပွဲစလုံးမှာ ရှုံးပွဲမရှိခဲ့ဘဲ ၃ ပွဲအနိုင်ရခဲ့တာပါ။

ကိုလုံးကတော့ ဒီရာသီဘွန်ဒက်စ်လီဂါမှာ

အဝေးကွင်းနိုင်ပွဲတစ်ပွဲသာ ရရှိထားတာပါ။

သူတို့ဟာ ဒီရာသီအဝေးကွင်းပွဲတိုင်းမှာလည်း ဂိုးပေးထားရပါတယ်။

ဒါပေမဲ့ အမှတ်ပေးဇယားရပ်တည်မှုမှာ ကိုလုံးက ဟာသာရဲ့အပေါ်ကဆိုတော့

အဝေးကွင်းကနေတောင် အကျောပေးထားတာပါ။

ဒါပေမဲ့လည်း လက်ရှိအိမ်ကွင်းခြေစွမ်းအရ ဟာသာ အနိမ့်ဆုံးသရေကစားနိုင်မှာပါ။

ဘိုချမ် vs ဝုဖ်ဘတ်

ရမှတူနှစ်သင်းရဲ့ထိပ်တိုက်တွေ့ဆုံမှုပါ။ ဘိုချမ်က နောက်ဆုံး ၂ ပွဲဆက်ရှုံးထားပေမယ့်

အခုရာသီအိမ်ကွင်းပွဲစဉ်အများစုမှာ ရလဒ်ကောင်းခဲ့တယ်။

အိမ်ကွင်းမာတဲ့အသင်းလို့ ဆိုရင် ပိုမှန်လိမ့်မယ်။ ဝုဖ်ဘတ်ကတော့

ပထမရာသီဝက်အဆုံးသတ်မှာ အတော်အခြေအနေဆိုးခဲ့ပြီး

ပြိုင်ပွဲအရပ်ရပ်နောက်ဆုံး ၇ ပွဲဆက်ရှုံးထားတာပါ။

ဒီလိုအနေအထားမှာ အိမ်ကွင်းမာတဲ့ ဘိုချမ်ကို

သူတို့ခက်ခက်ခဲခဲရင်ဆိုင်ရဖို့ ရှိပါတယ်။ မရှုံးနိုင်တဲ့အိမ်ရှင်ကို အားပေးရမှာပါ။